Þinn stuðningur skiptir máli

Skildu eftir svar

Þú getur hjálpað Flugbjörgunarsveitinnni að viðhalda þeim búnaði og þjálfun sem þarf til að halda úti öflugri björgunarsveit.

Til að styrkja sveitina er m.a. hægt að gerast Traustur félagi, senda heilla- eða minningarkort til styrktar sveitinni eða leggja beint inná bankareikning sveitarinnar. Eins er hægt að styrkja með greiðslukorti á vef Landsbjargar. Bakverðir Landsbjargar styrkja allar björgunarsveitir landsins.

Bankareikingur

FLUGBJÖRGUNARSVEITIN REYKJAVÍK
Kennitala:550169-6149
Banki:0513-04-251892

Framlög eru frádráttarbær frá skatti

Fjárframlög einstaklinga til Flugbjörgunarsveitarinnar eru frádráttabær frá skatti (Sbr. 7. tölul. A-liður 1. mgr. 30. gr. laga nr. 90/2003, um tekjuskatt.) Á það við hvort sem um er að ræða einstakar gjafir til félagsins eða reglulegan stuðning Traustra félaga.

Styrktaraðilinn þarf ekkert að aðhafast. Flugbjörgunarsveitin kemur upplýsingum um frádráttabæra styrki (kaup á vöru og þjónustu skapa ekki rétt til frádráttar) til Skattsins og við það lækkar skattstofn styrktaraðilans á viðkomandi almanaksári. Afslátturinn nemur tekjuskatthlutfalli þess sem veitir styrkinn en hlutfallið er breytilegt eftir tekjum. Styrkveitingar koma því fram á skattframtali hvers og eins.

Einstaklingar geta fengið skattaafsláttinn þegar samanlögð styrkupphæð til félaga á almannaheillaskrá Skattsins er á bilinu 10.000 (lágmark) til 350.000 krónur (hámark) á almanaksári. Nánari upplýsingar má finna á skatturinn.is.

Nýliðakynningar 2023

Skildu eftir svar

Flugbjörgunarsveitin Reykjavík verður með tvær nýliðakynningar í ár, klukkan 20 mánudaginn 28. ágúst og þriðjudaginn 29. ágúst. Kynningarnar fara fram í húsnæði sveitarinnar við Flugvallarveg 7. Frekari upplýsingar verða settar á Facebook síðu FBSR þegar nær dregur.

Tilgangur nýliðaþjálfunar FBSR er að þjálfa upp einstaklinga til að vera fullgildir útkallsfélagar í FBSR og SL. Nýliðaþjálfun hefst að hausti og lýkur á aðalfundi að vori, um nítján mánuðum síðar. Nýliðaþjálfun er skipt í tvö þjálfunartímabil: B1 sem er fyrra ár og B2 sem er seinna ár. Hvort ár eru tvær annir en þó ein samfelld dagskrá.

Til að geta gerst nýliði í FBSR þarf að uppfylla eftirtalinn skilyrði:

  • Að verða að minnsta 18 ára á því ári sem þjálfun byrjar.
  • Að hafa hreint og óflekkað mannorð.
  • Að vera líkamlega og andlega heilbrigður.
  • Að hafa kynnt sér starfsreglur FBSR svo og siðareglur SL.
  • Hafa þekkingu á íslensku máli og geta bjargað sér á því við daglegar aðstæður og í fjarskiptum við inntöku í sveitina.
  • Að vilja starfa í anda gilda FBSR sem eru liðsheild, traust og hæfni.

Krafist er 100% mætingar á skyldunámskeið og að jafnaði 80% mætingar á hvort þjálfunartímabil fyrir sig (B1 og B2) skv. samræmdu skráningarkerfi nýliðaráðs. Frávik frá þessu eru háð samþykki nýliðaráðs (og að endingu stjórnar FBSR). Sumum námskeiðum lýkur með prófi þar sem tekið er tillit til bæði bóklegrar og verklegrar færni. Öðrum námskeiðum lýkur með námsmati leiðbeinanda. Standast þarf þessar kröfur. Nýliði fær tækifæri til að endurtaka próf samkvæmt reglum Björgunarskóla
SL. Á hvoru ári er ætlast til að nýliðar taki þátt í fjáröflunum sveitarinnar.

Hópurinn sem hefur þjálfun í haust verður á námskeiðum og æfingum annan hvorn þriðjudag og aðra hverja helgi næstu tvo vetur. Dagskráin hefst þriðjudaginn 5. september.

Aðalfundur FBSR 2023

Skildu eftir svar

Á aðalfundi Flugbjörgunarsveitarinnar Reykjavík í maí síðastliðnum var samþykkt innganga 27 nýrra félaga. Við óskum bæði þeim og sveitinni til hamingju með þessi tímamót!

Á aðalfundi var einnig kjörin ný stjórn og hana skipa nú Magnús Viðar Sigurðsson (formaður), Erla Rún Guðmundsdóttir (varaformaður), Ingvi Stígsson (gjaldkeri), Þóra Margrét Ólafsdóttir (ritari), Anna Finnbogadóttir, Gyða Dröfn Jónudóttir Hjaltadóttir og Ólafur Magnússon.

Meðfylgjandi eru myndir af stærstum hluta nýinngenginna og nýrri stjórn. Gaman er að segja frá því þetta er í fyrsta sinn sem konur eru í meirihluta í stjórn Flugbjörgunarsveitarinnar Reykjavík.

Spurningar um nýliðastarf?

Skildu eftir svar

Nýliðastarfið hefst nú í vikunni og verður fyrsti göngutúr 31. ágúst / 1. sept. (val um dag). Fyrsta eiginlega námskeið hefst mánudagskvöldið 5. sept. Ef þú vilt vera með eða hefur spurningar um nýliðastarfið, hafðu þá samband við nýliðaþjálfarana með því að senda póst á nylidar2022<hjá>fbsr.is

Aðalfundur FBSR

Skildu eftir svar

Aðalfundur Flugbjörgunarsveitarinnar í Reykjavík verður haldinn mánudaginn 30. maí á Flugvallarveginum og hefst hann kl. 20:00.

Kvennadeildin sér um bakkelsið.

Að loknum aðalfundi verður til sýnis Ford F150, sem er langt kominn í breytingum fyrir FBSR.

Dagskrá aðalfundar sbr. lög FBSR.

  1. Formaður setur fundinn, en fundurinn kýs sér fundarstjóra og fundarritara.
  2. Skýrsla stjórnar.
  3. Ársreikningur lagður fram til samþykktar.
  4. Inntaka nýrra félaga.
  5. Lagabreytingar.
  6. Tillögur sem borist hafa kynntar og bornar undir atkvæði.
  7. Kosning stjórnar.
  8. Kosning tveggja skoðunarmanna reikninga.
  9. Kosning tveggja í uppstillingarnefnd.
  10. Önnur mál.

Flugeldasölu Flugbjörgunarsveitarinnar 2020 lokið

Flugbjörgunarsveitin þakkar kærlega fyrir stuðninginn!

Vefverslun með flugelda var opin frá 20. desember og var hægt að sækja á sölustaði í Mjódd og á Flugvallarvegi frá og með 28. desember.

Flugeldasala Flugbjörgunarsveitarinnar 2020 fór fram 28. desember – 31. desember.

Sölustaðir voru á Flugvallarvegi 7, við Kringlu, í Mjódd og í Norðlingaholti.

Flugeldamarkaður björgunarsveitanna
Flugeldamarkaður björgunarsveitanna