Fimmtudaginn 10. júlí var Flugbjörgunarsveitin kölluð út vegna hættuástands á Keflavíkurvelli en þar var farþegaþota að koma inn til lendingar með dautt á einum af tveimur hreyflum.
Þrettán mínutur liðu frá útkalli að afturköllun en voru þá þrír bílar sveitarinnar að leggja af stað að söfnunarsvæðinu við Straumsvík.
Í kvöld fór sveitin í útkall Esju vegna manneskju sem þar hafði brotnað á fæti. Ekki kom þó til aðgerða af hálfu bjögunarsveita þar sem þyrla Landhelgisgæslunnar var á æfingaflugi í Hvalfirði og sótti sjúklinginn.
Í dag var sveitin kölluð út vegna alsheimer sjúklings sem hvarf frá heimili sínu í morgun. Maðurinn fannst í eftirmiðdaginn heill á húfi.
Miðvikudaginn 2. júlí var sveitin kölluð út vegna neyðarskeytis frá frífljótandi neyðarbauju u.þ.b. 330 sjómílur suðsuðvestan frá Reykjanesi. Baujan er skráð á fiskibát sem er skráður í Kanada.
4 félagar Flugbjörgunarsveitarinnar í Reykjavík tóku þátt í leitinni en hér að neðan eru myndir frá fluginu.
Guðgeir og Ottó á leiðinni á leitarsvæðið.
Guðgeir, Pétur og starfsmaður LHG.
Pétur að störfum.
Föstudaginn 27. júní 2008 fóru 4 félagar FBSR í varðbergsflug með Landhelgisgæslunni. Leitað var að skipi fyrir sunnan land.
Sérhæfðir leitarhópar og almennir leitarmenn voru boðaðir út í laugardaginn 14.júní vegna 11 ára stúlku sem týndist á höfuðborgarsvæðinu. Leitin var afturkölluð stuttu síðar.
Yfir 300 björgunarsveitarmenn Slysavarnafélagsins Landsbjargar voru að störfum á jarðskjálftasvæðinu í Árnessýslu. Flutt voru tjöld og greiningastöðvar á svæðið. Björgunarsveitir, ásamt öðrum viðbragðsaðilum, fóru í öll hús á svæðinu, þ.m.t. alla sveitabæi og sumarbústaði.
Frá FBSR fóru þrír fullmannaðir bílar og sinntu þeir ýmsum verkefnum á svæðinu.
Kona með tvö börn lenti í sjálfheldu í hlíðum Esju um helgina og voru björgunarsveitirnar Kjölur og Kyndill kallaðar út þeim til aðstoðar auk fjallahóps FBSR. Greiðlega gekk að komast að fólkinu og voru þau aðstoðuð niður.
5. maí var sveitin kölluð út til leitar að 6 ára stúlku sem týnst hafði við Vífilstaðavatn. Skömmu eftir að hringt var út fannst stúlkan en leið heim til sín. Skjótt gekk að manna bílana en fyrsti bíll var lagður af stað tuttugu mínutum eftir útkall.
Laugardaginn 29. maí var fjallhópur FBSR kallaður út vegna ísklifrara sem dottið hafði í Múlafjalli. Félagi mannsins kom honum niður úr klifurleiðinni en á svipuðum tíma voru björgunarmenn komnir að og komu þeir sjúklingnum niður hlíðina og á sjúkrahús.