Af vef SL:
Björgunarsveitir Slysavarnafélagsins Landsbjargar leituðu á laugardagskvöld tveggja manna sem villtust í slæmu veðri í Skarðsheiði undir kvöldið. Annar mannanna fannst fljótlega heill á húfi en símasamband var við hinn manninn meðan hans var leitað. Hátt í hundrað manns á vegum björgunarsveitanna komu að leitinni.  Skafrenningur og töluverður vindur var á svæðinu og færð þung sem tafði fyrir björgunarmönnum.
Seinni maðurinn fannst um klukkan 22.00, kaldur og hrakinn og sótti þyrla Landhelgisgæslunnar hann.

Var einn fjögurra manna bíll sendur frá sveitinni auk þess sem tveir flubbar fóru með bíl frá hssr.

Að kvöldi 11.desember var sveitin kölluð út vegna óveðurs á svæði 1.   14 félagar mættu til leiks og stóðu vaktina til að ganga eitt í nótt.  

Nokkur erill var í aðgerðum og mörgum hefðbundnum verkefnum sinnt á borð við lausar þakplötur og fjúkandi girðingar en einnig verkefni sem ekki eru jafn algeng eins og brotnir ljósastaurar og að huga að landfestum skipa en sjótengd verkefni hafa löngum fallið öðrum sveitum í skaut.

Um klukkan hálf eitt aðfaranótt fimmtudagsins 11.desember var sveitin kölluð út vegna göngumanna er saknað var á Fimmvörðuhálsi.   Tæpum tíu mínutum síðar voru boðin afturkölluð en þá höfðu mennirnir komið fram í Básum heilir á höldnu.  Boðunin gekk vel og var ekki langt í að fyrsti bíll legði af stað. 

Laugardaginn 6. desember var boðað til leitar að alsheimersjúklingi í Reykjavík.  Var hópur á vegum sveitarinnar mættur í hús þegar maðurinn fannst og útkallið afturkallað. 

Þann  29. nóvember hófst leit að rjúpnaskyttu við Skáldabúðaheiði.  Leitin stóð í tæpa viku áður en henni var frestað um óákveðin tíma. FBSR var með menn á svæðinu alla dagana utan miðvikudags og fimmtudags en þá fór endurskipulagning leitar fram.

Leit stendur yfir að rjúpnaskyttu sem saknað hefur verið í uppsveitum Árnsessýslu síðan á laugardag.

Á sunnudag tóku 15 manns frá FBSR þátt í leitinni en um 150 björgunarsveitarmenn úr 30 björgunarsveitum af öllu Suðvesturlandinu hafa komið að leitinni. Í morgun hélt 13 manna hópur austur á 3 bílum frá sveitinni en leit átti að hefjast að nýju við birtingu.

Leitarsvæðið er stórt og erfitt yfirferðar. Þó hefur tekist að fara nokkuð vel yfir það. Engar vísbendingar hafa enn fundist um ferðir mannsins. Búið er að vera ágætis veður en kalt á fjöllum. Í nótt snjóaði á svæðinu.

Sunnudaginn 27.júlí var FBSR kölluð út vegna hættuástands á Keflavíkurflugvelli.  Var útkallið afturkallað örfáum mínutum eftir boðun en þá hafði flugvélin lent heil á höldnu með gangtruflanir í hreyfli.

Flugbjörgunarsveitin var kölluð út í gær vegna tilkynningar um nakinn mann í hlíðum Esju.  Sést hafði til mannsins um hádegið og voru björgunarsveitir kallaðar út skömmu síðar. 

Voru hópar frá sveitinni að störfum frá hádegi og frammeftir nóttu en í undirbúningi var að koma ferskum fótum á fjallið þegar maðurinn fannst í dag, föstudag.