Sunnudaginn 19.júlí var kallað eftir sveitinni í Básum, Goðalandi, þar sem barn hafði brennst illa á hendi.  Hlúð var að brunanum og barninu komið undir læknishendur. 

Föstudaginn 17.júlí var sveitin kölluð út vegna viðbeinsbrotins manns í Básum, Goðalandi.  Var hlúð að manninum og honum ekið til móts við sjúkrabíl við Illagil.

Föstudaginn 17. júlí var sveitin kölluð út vegna fótbrotins manns í Esjunni. 

Laugardaginn 11. júlí var sveitin fengin til að aðstoða göngufólk sem orðið hafði innlyksa sökum vatnavaxta við Hruna í Goðalandi.  Vel tókst til við björgunina.

17. apríl var sveitin kölluð út vegna slasaðs manns í Esjunni.  Skömmu áður en lagt var af stað úr húsi var útkallið afturkallað en þá höfðu samferðamenn mannsins komið honum niður.

Þann 25. mars var leitað að eldri konu í Grafarvogi.  Tæpri klukkustund eftir útkall var konan fundin heil á húfi.

Um klukkan 4 aðfaranótt sunnudags var hafin leit að sykursjúkum manni í Grafarholti.  Hafði hann tilkynnt til 112 að hann væri villtur og á leið í sykurfall,  var því brugðist skjótt við og sendir leitarflokkar á svæðið.  Ekki leið á löngu þar til búið var að finna manninn en aðgerð var lokað um klukkustund eftir útkall.

Laugardaginn 21.mars var haldið til leitar að Aldísi Westergren sem saknað hafði verið í síðan um miðjan febrúar.  Þyrla LHG fann Aldísi í Langavatni.

28.mars var sveitin kölluð út til bjargar konu sem féll í Skarðsheiði.  Tveir bílar frá sveitinni fóru en auk þeirra voru félagar sveitarinnar að störfum fyrir Íslenska Fjallaleiðsögumenn á svæðinu og tóku þeir einnig þátt í verkefninu.

Í það heila komu um 120 björgunarmenn að aðgerðinni sem stóð frá því um 14 fram undir kvöld.

Um klukkan 04 aðfaranótt 17. mars 2009 var pípt út leit að konu í Grafarholti.  Fannst hún heil á húfi um klukkustund síðar.