Að kvöldi 13. maí var sveitin kölluð út til að hefta fjúkandi stillassa við Reykjavíkurflugvöll.  Gekk verkefnið vel.

Þann 14. maí var leitað innanbæjar í Mosfellsbæ og Grafarvogi að manni sem óttast var um.  Fannst hann heill á húfi örfáum klukkustundum eftir að leit hófst.

20. maí var sveitin kölluð út til aðstoðar við að koma fótbrotinni manneskju niður úr Esju.

Þann 24. maí var leitað að mann í Ingólfsfjalli.  Fannst hann í suðurhlíðum fjallsins og var hjálpað niður.

Leit var gerð að konu á Esju þann 6.júní 09.  Rataði hún að lokum niður með hjálp ferðamanna sem urðu á vegi hennar.

27.júní var undanfarahópur sveitarinnar kallaður út til þess að fara með þyrlu LHG uppá Langjökul þar sem drengur hafði fallið í sprungu.

28.júní var boðuð leit að manni í Hafnafirði.

11. júlí var boðað út vegna leitar að manni í Reykjavík.

Sunnudaginn 19.júlí var sveitin kölluð út vegna meðvitundarlauss manns í Húsadal, Þórsmörk. Reyndist þar vera um sykurfall að ræða og hafði sjúklingurinn verið meðvitundarlaus í um klukkustund þegar björgunarsveitina bar að.  Var sjúklingurinn umsvifalaust fluttur útúr mörkinni til móts við Neyðarbíl.  Meira á spjallinu.

Laugardaginn 18.júlí var leitað til gæsluhóps sveitarinnar í Básum þar sem astmasjúklingur var í vanda.  Hlúð var að einstaklingum sem jafnaði sig ágætlega.