Notið hlekkinn í vinstri valmyndinni til að fara inná skárningasvæði sölumanna.
Greinasafn fyrir flokkinn: Tilkynningar
Neyðarkallinn
Jæja nú er að taka á því og allir sem vettlingi geta valdið koma og selja, þess skal getið að það er skyldumæting hjá nýliðaflokkum B1 og B2.
Þriðjudaginn 2. nóvember kl. 20:00. Átaksfundur vegna sölu á NEYÐARKALLINUM (ca. klukkustund) allir mæta.
- Afhending á NEYÐAKÖLLUM til að selja á vinnustöðum
Fimmtudagur 4. nóvember:
- Salan hefst af fullum krafti það þarf að mæta á Flugfélag Ísland kl 07:00 og selja skotveiðimönnum sem og öðrum farþegum
Föstudagur 5. Nóvember:
- Allir sölupóstar verða mannaðir, flestir frá kl 10:00 en mæting í hús fyrir kl 09:00 og það þarf að mæta á Flugfélag Ísland kl 07:00 og selja skotveiðimönnum sem og öðrum farþegum
Laugardagur 6 nóvember:
- Aðalsöludagur og Kringlan bætist við þennan dag, að minnsta kosti 9 póstar með leikhúsinu, mæting í hús fyrir kl 09:00
Sunnudagur 7. nóvember:
- Lokadagur almennrar sölu á NEYÐARKALLINUM og við ætlum að klára og fá meira og selja grimmt fram til síðasta kalls.
Sölustjórar: Stefán Þór Þórsson 8444643 og Jón Svavarsson 8930733
Búnaðarbazar ÍSALP & FBSR
Áttu
fulla geymslu af græjum sem hafa ekki verið hreyfðar lengi? Ertu að
svipast um eftir reyndu göngutjaldi? Kanntu að meta fallega hluti með
sögu? Ertu að safna fyrir næstu reisu?
Ef þú ert í þessum pælingum þá ættirðu að kíkja á búnaðarbazar ÍSALP og Flugbjörgunarsveitarinnar í Reykjavík.
Þér er boðið að koma og selja/versla hluti og fatnað sem á einhvern hátt tengjast útivist og fjallabrölti.
Þetta
er þriðja árið í röð sem ÍSALP heldur búnaðarbazar í samstarfi við
FBSR. Reynslan er góð og það hefur sýnst sig að ólíklegustu hlutir fá
nýja eigendur. Stemmningin undanfarin ár hefur verið gríðarlega góð og
prútt stundað á hverjum bás.
Hvar: Hús Flugbjörgunarsveitarinnar í Reykjavík við Flugvallarveg
Hvenær: Fimmtudagskvöldið 28. október kl. 20. Seljendur hvattir til að mæta kl. 19.30
Munið að mæta í prúttstuði með fulla vasa af reiðuféi. Næsti hraðbanki er á Hótel Loftleiðum.
Fyrsta hjálp 1
Komin er staðsetning fyrir námskeiðið í Fyrstu hjálp 1. Námskeiðið verður haldið í Menntaskólanum á Laugarvatni helgina 29-31 október. Námskeiðið byrjar stundvíslega kl 20:00 og verður fram á sunnudag.
Sjúkrasvið mælir með að félagar sem ekki hafa sótt námskeið síðustu ár mæti og skerpi á kunnáttunni. Almennt er mælst til að fólk sæki sér endurmenntun á tveggja ára fresti og gildir það ekki síst fyrir björgunarsveitarfólk.
Skráning er hafin á námskeiðið hjá Agnesi: agnessvans83(hjá)gmail.com
Þriðjudagsfjör
Næsta þriðjudag, 19. október kl. 20.00,
verður myndasýning frá afmælisæfingu Flugbjörgunarsveitarinnar, Rauðum
október. Myndasýningin er partur af nýjum lið í dagskrá sveitarinnar sem
ætlað er að vera þau þriðjudagskvöld þar sem engir nýliðafundir eru.
Ætlunin er að bjóða upp á fyrirlestra eða myndasýningar sem eiga að
höfða til allra flubba. Einnig er það von að sem flestir finni með
þessu ástæðu til að láta sjá sig í húsi og jafnvel að endurnýja kynnin
við sveitinni.
Komin eru drög að dagskrá þau þriðjudagskvöld sem eru fram að jólatrjásölu:
19. október – myndasýning frá Rauðum október
02. nóvember – ferðasögur frá fyrstu áratugum FBSR
11. nóvember – ferðamennska á hjóli
30. nóvember – ?
Ef einhverjir hafa hugmynd að efni eða vilja kynna eitthvað er hægt að hafa samband við Sigurgeir, sgunnars [hjá] gmail.com
Vonandi sjá flestir sér fært að mæta.
Starfsmaður óskast
Flugbjörgunarsveitin í Reykjavík leitar eftir áhugasömum einstakling sem gæti tekið að sér stöðu starfsmanns FBSR í tímabundið starf.
Starfið er í samstarfi við Vinnumálastofnun og því er nauðsynlegt að viðkomandi sé á atvinnuleysisskrá. Starfið er tímabundið til 6 mánaða og æskilegt að viðkomandi geti hafið störf sem fyrst. Nánari upplýsingar um skilmála Vinnumálastofnunar má finna á slóðinn www.vinnumalastofnun.is/vinnumarkadsurraedi/ataksverkefni-9gr/. Nánari upplýsingar um starfið veitir formaður – formadur(hja)fbsr.is
Umsóknarfrestur rennur út 30.september 2010.
Starfið felst meðal annars í:
Aðkomu að jólatrjáa- og flugeldasölu
Aðstoð við þjálfunarmál
Viðhald á húsnæði og bílum eftir þörfum og getu starfsmanns
Fjáraflanir
Ýmis skrifstofuvinna, s.s. útsending fréttabréfs, umsjón með heimasíðu.
Annað tilfallandi
Ekki er gerð sérstök krafa um menntun eða reynslu. Öllum umsóknum verður svarað.
Umsóknir ásamt ferilsskrá skal senda á formadur(hja)fbsr.is.
Haustfundur
Haustfundur Flugbjörgunarsveitarinnar í Reykjavík verður haldinn þriðjudaginn 21.september klukkan 20:00.
Við hvetjum alla félaga til að koma á haustfundinn, sýna sig og sjá aðra.
Nýliðakynningar
Hefur þú hugleitt að snjór geti verið eitthvað annað en það sem er fyrir manni í umferðinni? Gætir þú hugsað þér að stunda fjallamennsku, jeppamennsku, vélsleða eða jafnvel fallhlífastökk? Ert þú þessi týpa sem gætir hugsað þér að vera til taks þegar aðrir eru í neyð? Ert þú 18 ára á árinu eða eldri? Kannski áttu þá erindi til okkar!
Nýliðakynningar Flugbjörgunarsveitarinnar í Reykjavík verða haldnar þriðjudaginn 31. ágúst og fimmtudaginn 2. september kl. 20.00 í húsnæði sveitarinnar við Flugvallarveg.
Opið hús á Menningarhátíð 21.ágúst
Flugbjörgunarsveitin í Reykjavík er 60 ára í ár. Í tilefni af afmælinu stendur mikið til. Ævintýrið byrjar á Menningarhátíð Reykjavíkurborgar laugardaginn 21. ágúst n.k. milli kl. 13:00 og 18:00.
Þá mun verða opið hús fyrir almenning miðsvæðis í aðalstöðvum sveitarinnar við Flugvallarveg. Þar munu sveitarmenn taka á móti gestum og gangandi og sína þeim búnað, spjalla um skemmtilegt starf sveitarinnar og um svaðilfarir á fjöllum. Öll svið sveitarinnar verða með kynningu: Fjallasvið, bílasvið, beltasvið, leitarsvið, sjúkrasvið, fallhlífasvið og síðast en ekki síst lávaraðarnir sem munu kynna sögu sveitarinnar. Félagar sveitarinnar munu líka vera í samstarfi við Norrænt kóramót í Reykjavík en kórarnir 60 njóta aðstoðar Flugbjörgunarsveitarinnar við rötun með því að halda merki sveitarinnar á lofti til leiðbeiningar fyrir kórfélaga. Þá munu sveitarmenn setja upp björgunarfalhllíf í byggingarkrana Eyktar sem stendur á gamla Nýja Bíós reitnum á gatnamótum Lækjargötu og Bankastrætis. Sveitarmenn munu standa undir fallhlífinni og ræða við gesti og gangangi um fjallamennsku, fallhlífarstökk og frækilegar björgunaraðgerðir. Komið í heimsókn, hittið okkur, fáið ykkur kaffi og vöfflu, hlustið á kórana sem syngja hjá okkur og síðast en ekki síst: Verðið traustir félagar okkar!
Aðalfundur FBSR
Aðalfundur FBSR var haldinn 27.maí 2010. Fundurinn var vel sóttur en alls sátu hann hátt í 70 félagar ásamt nýliðum. Fyrir utan venjuleg aðalfundastörf voru ýmis mál rædd undir liðnum Önnur mál og fundi var ekki slitið fyrr en rétt fyrir miðnætti. Á fundinum gengu 15 mjög efnilegir nýliðar inn í sveitina.
Elsa Gunnarsdóttir mun áfram sinna formennsku sveitarinnar. Stefán Þór Þórsson, Elsa Særún Helgadóttir og Jón Svavarsson sitja áfram í stjórn á komandi starfsári. Ásgeir Sigurðsson, Guðbjörn Margeirsson og Guðmundur Arnar Ástvaldsson gáfu ekki kost á sér til áframhaldandi stjórnarsetu og þakkar sveitin þeim vel unnin störf. Þeirra í stað koma nýjir inni í stjórn Marteinn Sigurðsson, Agnes
Svansdóttir og Magnús Þór Karlsson.