Greinasafn eftir: stjorn

Fyrsta hjálp I og II

Fyrstu hjálpar námskeið I og II verða haldin fyrir nýliða og inngengna félaga helgina 10-12. október næstkomandi.

Fyrsta hjálp I verður haldin á Akranesi í húsnæði Björgunarfélags Akraness, farið verður úr Reykjavík á föstudagskvöld en inngengnum er að sjálfsögðu velkomið að mæta á laugardagsmorgun eða sunnudagsmorgun.

Fyrstja hjálp II verður haldin í Reykjavík og hefst kennsla á föstudagskvöldið einnig.

Við hvetjum alla inngenga félaga til að mæta eða kíkja við í skemmri tíma og rifja upp fyrstu hjálpar taktana.

Afsláttarkvöld í Útilíf

Útilíf býður til kynningar- og afsláttarkvöld í glæsilegri útivistardeild þeirra í Glæsibæ fimmtudagskvöldið 2. október kl. 19.00.

Útivistardeildin er m.a.a troðfull af nýju vetrarlínunum frá The North Face og Cintamani.

Á kynningarkvöldin býður Útilíf 20% afslátt af öllum fjalla- og útivistarbúnaði s.s. hlífðarfatnaði, svefnpokum, tjöldum, bakpokum, gönguskóm og öðru sem til þarf.

Einnig verða sértilboð og verða þau sérmerkt, ekki er afsláttur af snjóflóðaýlum eða GPS tækjum.

Notið endilega tækifærið að versla á góðum afslætti fyri veturinn.

Opinn stjórnarfundur 29. september

Minnum á opinn stjórnarfund sem fram fer á mánudaginn 29. september kl. 20.00. Opnir stjórnarfundir munu verða haldnir síðasta mánudag í mánuði út veturinn. Dagskrá hvers fundar fer eftir hvað er að gerast á hverjum tíma og ef þið hafið einhver sérstök málefni sem þið viljið ræða þá endilega látið okkur vita með því að senda póst á [email protected].

Vonumst til að sjá sem flesta. Stjórnin.

Búnaðarbazar ISALP og FBSR 25. september

Íslenski alpaklúbburinn og Flugbjörgunarsveitin í Reykjavík halda sameiginlegan búnaðarbazar í húsnæði Flugbjörgunarsveitarinnar við Flugvallarveg, fimmtudaginn 25. september.
Á þessum síðustu og verstu er ekki úr vegi að gramsa í geymslunni og draga fram allt ónotaða glingrið.

Áttu notaða eða nýja gönguskó, tjöld, dýnur, prímusa, skíði, skíðaskó, sólgleraugu, hnébuxur, goretex eða seglklæðnað, stafi, fjallhlífa, kite, svefnpoka, bakpoka, klifurdót sem ekki er komið yfir síðasta söludag, brodda, axir eða eitthvað annað í ætt við þennan lista?
Ef svo er, mættu þá á búnaðarbazarinn og komdu þessu í verð.

Við stefnum að stærsta búnaðarbazar áratugarins. Við hvetjum alla sem vilja gera góð kaup eða fá smá vasapening til að mæta.
Búum til alvöru markað og hittum fjallafólk!

Um kl. 20.30 munu Atli og Ágúst sýna myndir frá ferð sinni um alpana.

Við vonumst til að sjá sem flesta!!

Kassbohrer

Mánudaginn 22.september kl 17:00 á Flugvallarvegi mætir Harald Häege sölustjóri hjá Kässbohrer í heimsókn til okkar og kynnir fyrir okkur það nýjasta frá þeim.
Við skulum mæta þar, öll sem hafa áhuga fyrir snjóbílarekstri, til þess að fá tilfinningu fyrir því hvað er að gerast í heimi snjóbílanna óháð því hvenær svo sem verður af endurnýjun okkar eigin snjóbíls.

Þá er ekki úr vegi að minna á föstu leikatriðin:

Hlaupahópurinn hittist á þriðjudögum og fimmtudögum klukkan 18:15, allir velkomnir.
Þá verða opnu stjórnarfundirnir síðasta mánudag í mánuði í vetur.
Þriðjudagar klukkan 20 eru vinnudagar en þá stefnum við sem flestum á Flugvallarveg til að hittast í spjalli og gera það sem gera þarf hverju sinni.
Alla laugardagsmorgna klukkan 10 hittast gömlu sleggjurnar í kaffi og hafa til þess herbergi Kvennadeildarinnar.
Samæfingar leitarhópa eru annan mánudag í mánuði. Þar mæta þeir sem áhuga hafa á leitartækni.
Samæfingar undanfara eru þriðja miðvikudag í mánuði. Þar mæta svokallaðir undanfarar ásamt undanrennu.

Æfingarnar byrja

Þrekæfingarnar á þriðjudögum og fimmtudögum eru byrjaðar en hópurinn hittist á Flugvallarvegi klukkkan 18:15. Þú þarft ekki að vera í einhverju súperformi til að mæta, eina skilyrðið er að þig langi til að bæta það.

Fyrsta námskeið nýrra nýliða

Næsta þriðjudag klukkan 20 verður fyrsta námskeið hjá nýjum hóp nýliða. Námskeiðið er hluti af Almenn ferðamennska og fer fram í húsi sveitarinnar við Flugvallarveg.

Vinnuferð í Tindfjöll 5-6 september

Skildu eftir svar

5.-6. September verður vinnuferð í Tindfjöll. Það sem þarf að gerast er aðallega tvennt:
Olíubera allt að innan til að drepa niður sveppi og þá myglu sem mögulega er á leiðinni.
Týna upp allt rusl (spítur sem hafa fokið) í nágrenni skálans og taka allan óþarfa úr skálanum s.s. nagla sem ekki verða notaðir osfrv.

Það væri ekki verra ef einhverjir smiðir gætu mætt og klárað þakkantana því það varð að sleppa því síðast vegna veðurs.
Þá þurfum við að taka mál vegna stormhlera á norðurhliðina, það er nú þegar komin skemmd í eina rúðuna vegna flúgjandi grjóts.

Það verður farið uppeftir bæði á föstudagskvöld og laugardagsmorgun og allir koma heim á laugardagskvöld. Þeir sem vilja koma með vinsamlegast tilkynnið þátttöku hérna á spjallinu eða sendið póst á [email protected] og segið hvort þið viljið fara á föstudag eða laugardag.

Kynningarfundir FBSR 1. og 4. september

Mánudaginn 1. september og fimmtudaginn 4. september verða haldnir nýliðafundir fyrir áhugasama. Fundirnir hefjast klukkan 20 i húsi sveitarinnar við Flugvallarveg.

Stutt myndasaga úr Svissnesku Ölpunum

Flubbarnir Hallgrímur Kristinsson og Skúli Magnússon voru á ferð í Svissnesku Ölpunum um miðjan Júní mánuð í sumar og var ferðinni heitið á fjallið ‘Bishorn’ sem er 4.153 metra hátt. Bishorn er umkringt tignalegri fjölskyldu og er Weisshorn (þriðja hæsta fjall Sviss) næsti tindur við Bishorn. Gott útsýni er einnig yfir Maatterhorn af tindi Bishorn. Því miður var veðrið þó ekki skaplegt á toppadaginn og lítið fór fyrir því stórkostlega útsýni sem Bishorn býður upp á. Þeir náðu þó á toppinn og hér er stutt ferðasaga. (ca.7MB)

Mynd 008 – Gist var í Zinal dalnum, í um 1.600 metra hæð. Skúli býr sig undir svefn

010 – fegurðinn yfir dalinn var mikil þegar við vöknuðum.

014 – lagðir af stað í gönguna. Halli pósar fyrir framan tignaleg fjöllin í baksýn. Á myndinn sést vel í Weisshorn (4.506 M), eitt tignalegasta fjallið í Svissnesku ölpunum.

015 – komnir að „trélínu“ og Skúli pósar með fallegan foss í baksýn.

016 – ágætis útsýni yfir Zinal dalinn.

018 – Komnir vel yfir „trélínu“ og landslagið orðið hrjóstugara. Skúli gerir að tilvonandi hælsæri.

021 – sökum þess hversu snemma um sumarið við vorum (miðan Júní), var snjólína nokkuð neðar en ella. Aðal vertíðin opnar ekki fyrr en um mánuði síðar (miðjan Júlí) þegar skálar opna fyrir almenningi. Hérna eru við komnir í snjólínu og Skúli tekur stefnu á skálann sem var í sjónlínu. Ský voru farin að myndast í kringum okkur.

024 – Halli tekur síðustu skrefin upp bratta hlíð sem að hrygg, þar sem skálinn situr.

025 – Hér er Skúli að taka síðustu skrefin upp á hrygginn.

026 – Hér sést skálinn (Cabane de Tacuit) sem áætlað var að gista í um nóttina (3.256m). Tacuit skálinn er með hæstu skálum í Sviss. Glitta má í Skúla sem gengur síðustu þrepin að skálanum.

028 – Skúli eldar kvöldmatinn. Skálinn var einungis með “vetraropnun“ og því aðeins hluti skálans opinn. Engin þjónusta var á staðnum og fátt um manninn.

030 – Klukkan 5 að morgni næsta dags var útsýnið hreint stórkostlegt. Skýjabakkin sem hafði blundað yfir okkur daginn áður hafði „sest“ í nánst sömu hæð og skálinn.

032 – Halli uppáklæddur og tilbúinn í slaginn kl. 05:30. Sólin farin að teygja geisla sína á nálæg fjöll og ekki er hægt að kvarta yfir útsýninu.

034 – Komnir á jökulinn sem liggur að Bishorn og enn lofar veðrið góðu.

036 – skömmu síðar fór að þykkna upp og þá þurfti að taka fram áttavitann og gps til að tryggja að við værum á réttri leið.

037 – Með okkur í skálanum um nóttina voru þrír pólverjar sem einnig voru á leið á Bishorn. Hér sást þeir ganga í sporunum okkar á leið upp jökulinn. Stuttu síðar þykknaði enn frekar upp og við sáum þá ekki aftur fyrr en undir toppnum.

038 – Komnir undir toppinn og skyggnnið nánast ekki neitt. Snjórinn var mjög þungur svona ofarlega og þurftum við að vaða hann upp að hnjám efst í fjallinu. Þá var gott að geta skiptst á að ryðja. Lítið var um myndartökur á þessum tíma en þessi er tekinn að Skúla að undirbúa sig undir síðustu spönnina. Þarna þurfti hann að krossa sprungu til að komast upp á toppinn sem sést að hluta í baksýn. Allt fór þó vel og snjóbrúin gaf sig ekki.